لسلام عليكم
جيف حالكم ؟
عساكم ابخير


سامحوني و الله ما ردبت على ردودكم السابقه
بس ان شاءالله يوم بحصل فرصه برجع اقراهم مرة ثانيه و ارد عليكم

الحمدالله هذي السنة غير عن كل السنين اللي طافٍ

دراسة و قراية وايد.. طلعاتي خفن ( و يعني من زين المكان عشان اطلع ههههه بس كتغير جو
من شويه نازل و شريت لي حليب و كم شغله ناقص عني ..
و بس هذي اخر العلوم من صوبي
انتوا شو اخباركم ؟
و نسيت ههه الخريف بدا عندنا و البرد و المطر بعد...
و ذاك اليوم انخرست ابكبري وكتبت خاطره في ذيج الليلة
قلت فيها

مشى في ليلةٍ ظلمه
في سماه سحب اش كثره

و امطرت عليه في لحظة
و المطر ينزل ابثقله

خرسن اثيابه وبكبره

.....

سامحوني ودي اكمل بس فيه ارقاد و رايه نشه و مذاكره ...
و السمووووحه منكم على القصور
راكان دبي

السلام عليكم و رحمة الله و بركاته

جيف حالكم يا جماعة الخير، عساكم مرتاحين ان شاءالله؟
هذا رمضان شهر الفضيل بيروح عنا و ان شاءالله الله يبلغنا رمضان الياي ان شاءالله
بصحة و عافية و طولة العمر يا رب

و كل عام و انتوا بخير

سامحوني يا جماعة انقطعت عنكم بشكل كبير!
يوم انا في البلاد سويت الف شي و الحمدالله احسن من البطاله
خذت صيفي في امريكية الشارجة
و قمت اسير الصالة، مكان قريب من بيتنا و الحمدالله
التدريب ما عليه كلام
ان شاءالله بكمل و انا في كندا عشان ما اخسر التعب اللي بذالته ويا المدرب في البلاد

انا بغيب عنكم و ان شاءالله اذا حصلت فرصة اكتب لكم او احط صورة، ان شاءالله بحاول.

السنة هذي من اهم السنين و مابغي افرط فيها
ان شاءالله هذي السنة أخر سنة في الجامعة

فا سامحوني اذا ما شفتوا تعليق على ابداعاتكم اللي كل واحد يتميز بعمله

اخوكم
راكـــــــان دبـــــــي

الســــــــــــــــــلام عليــــــــــــــــــــــــــــكم

اليوم الإثنين تاريخ ١١/٥/٢٠٠٩

" بعد السبوح بماءً دافي، غسلت عن جسدي علامات التعب و الأرق
،،، ثم وجهت وجهي تجاه القبلة حتى اقضي صلاة المغرب و أصلي صلاة العشاء
لم أترك صلاتي عمداً... كنت في درس و الشمس تغرب.
الأن اشرب كوباً من الحليب البارد المحلاه بسكر ( قليلاً ) مع ما تبقى من
"club sandwich"
الذي حضرته بنفسي" ....
"
قلت شويه اعود نفسي و امارس الكتابة بالعربي ابركلِ.. يوم ان العربي لغة الأم
الحمدالله اليوم كان اول يوم درس الصيفي مر الوقت ابسرعه
المادة عن المرأة في الإسلام، صح ان المادة سهلة بس نفس الوقت لازم يكون فيه انتباه
السبب هو بعض الأحيان نسمع ناس تقول كلام مب صحيح بغض النظر عن شو كان.

مثلاً اليوم تحدث عن شيء ما يدخل العقل و الحمدالله دينا كاملا و واضح.
الدكتور كان المفروض يوضح هذا الشيء و يوضح العقلانية اللي بعض الناس فيها، الله يستر من اللي ياي
ههههه

بس ان شاءالله بوضح له هذا الشيء و هو من النوع الي يتقبل وجهت نظر الأخرين
في شيء ما عيبني... العنز اللي كان يالس ورايه يعلق تعليقات مالها داعي
لو يعييييرنا اسكووووته ابركله و يتعلم شيء لابد الله يهديه.

الســـــــموحه
بسير ارقد...

اليوم السبت الموافق ١٦/٥/٢٠٠٩

طبعاً الجو عندنا امغيم.. جو كله خموووول و ارقاااااد

يوم الخميس كان اول امتحان عندنا و نعم كان يوم الرابع من بدينا الصيفي
الدكتور يبى يخلص تقريباً على آخر الشهر و الدرس الحين يبداء من ٥:٣٥ العصر لين ٩ المساء
تعب و الله بس ان اشاءالله بنخلص و بنفتك

قبل ما نبداء الصيفي رتبت شنطتي ما كان عندي شيء قلت خلني ارتب بعدين ما بحصل وقت
و إليكم الصور

الســــــــلام عليــــــــــكم و رحمـــــــــــة الله و بركاته
جيف حالكم .. عساكم بخير

ما شاءالله اليوم ثالث يوم من الشهر اليديد
ما شاءالله كيف الوقت يمر ابسرعه ما نلحق نسوي شيء
و لكن انقول الحمدالله على كل شيء

في هذا الشهر تكثر الأكاذيب بس عشان انقول انها "كذبت ابريل" و تكثر في اول الشهر
و انا اشوف هذا شيء غلط في غلط...و لو كانت مصخره
في هذا الوقت الناس اتصدق كل شيء
حتى لو كانت كذبه ..
انا موووول ما كنت حاط في بالي انه دخلنا اول الشهر ابريل
عقب استوعبت الأمر ...
لول...